|
| |
| |
 |
 |
 |
| |
Contacto:
Banda Artítica de Merza
Casa da Cultura s/n, Merza
36580 Vila de Cruces, Pontevedra
Teléfonos de Contacto: 986 583 747 / 609 886 208 / 986 583 515
Correo electrónico: artisticademerza@hotmail.com
|
|
 |
 |
 |
|
|
|
|
| |
Cadra que a Banda Artística de Merza (fundada en 1828) é a dacana de todas as bandas populares de Galicia. E cadra tamén que somos veciños, do mesmo concello de Vila de Cruces e da mesma comarca do Deza.
Cando eramos rapaces, todos reloucabamos de alegría escoitando "as musicas", como deciamos daquela, que amenizaban cada romaría. O encanto das tocatas, os uniformes co emblema da lira prateada, o relucir dos bronces, todo nos atraía. Logo, de mociños, bailabamos nas festas e o amor primeiro abrollaba entre valses, mazurcas e pasodobres. Bailei moitas veces ó son desta Banda.
Un dia collín o rumbo da emigración. Levei conmigo, como levabamos todos, a lembranza das festas e da música. Volvín a estas terras vintecatro anos despois e quixo o destino que a primeira banda que escoitei fose a de Merza. Emocionante reencontro. Era como se o tempo non tivese pasado.
Merza é de por si musical, pola natureza e pola historia. Hai que coñecela e coñecer o seu contorno para darse de conta. O murmurio do Deza, que apousa na Carixa; a sonora fervenza do Toxa; a evocación dos monxes bieitos que animaban Carboeiro; o camiño da Brea onde estalou o volframio; o espírito señorial que vén dende a Idade Media; o ruxir do vento e o garular dos paxaros na abondosa vexetación montesía...A música resume todo esto.
 (Mensaxe de Xosé Neira Vilas na presentación do primeiro CD "171 Anos de tradición musical")
|
|
|
|
|
|
| |
|
|
|
|
|
|
